Corpus Van Reenen-Mulder (CRM14): Oorkonde E192p37801

@ @ Wi borghermeyst_s Scepene en_ Raet der stat van vtrecht / Maken cont allen luden @ dat wi machtich ghemaket hebben / en_ machtich maken mit dezen tieghenwordighen brieue / Melijs @ aernts soen en_ volqwiin van losseren / onzer stat Cameraers in dezer tijd / en_ elken van hem bezonder @ die dezen brief toent / van onzer weghen / en_ in onzen name / op + te + draghen en_ ouer te + gheuen Claes @ den brunen / den vryen eyghendom / van eenre haluer hoeue lants gheleghen aen den smalen dijc @ opstreckende tot aen den achtien + hoeuen toe / en_ hout neghen morghen lants / ander + half hont @ en_ twe ? viertich scafte lants / Tusschen lande braems van + den velde aen die ouer~zide en_ @ ? lande der h_en van zinte johans tutrecht / aen die neder~zide . En_ daer of te + vertyen @ voer den Scoute en_ lantghenoten in + den gherechte daer dat erue voerscreuen gheleghen is @ En_ den voerseyden vryen eyghendom te + louen Claes den brunen voerscr_ / te + waren / en_ allen com-mer of te + doen ghelikerwiis / en_ in allen manieren of wijt selue waren / jn orconde des briefs be-zeghelt mit onzer stat zeghel ghegheuen jnt jaer ons h_en Duzent + / dre + hondert + / achte en_ tseuentich Des Manendaghes na zinte Peters dach ad~vincula : . ~