Corpus Van Reenen-Mulder (CRM14): Oorkonde E192p37802

@ @ Wi borghermeysters Scepene en_ ghemene Raet der Stat van vtrecht / Maken cont allen luden Dat wi @ vercoft hebben Claes den brunen / om ene zeker Su_me van ghelde / de hi ons vol en_ al gheleuert @ heeft / den lesten pe_ninc mitten Eersten / en_ de wi voert in onser Stat orbaer ghekeert hebben @ die halue hoeue lants gheleghen aen den smalen diic / opstreckende / tot an + den achtien + hoeuen toe / en_ @ hout neghen morghen lants / ander + half hont en_ twe en_ viertich scafte lants / Tusschen lande @ braems van + den velde aen die ouer~zide en_ tusschen lande der heren van zinte johans Tutrecht @ aen die neder~zide / daer wi hem den vryen eyghendom of ghegheuen hebben / En_ louen hem mede @ dese voerseyde halue hoeue lants te waren en_ alle co_mer of te + doen / also dat Claes voerseyt / @ + en_ ziin nacomelinghe ghenen hinder nochte scade / daer bi en liden zonder enich arghelist Jn orconde @ des briefs beseghelt mit onser Stat seghel / ghegheuen jnt jaer ons heren dusent dre + hondert @ achte + / en_ tseuentich / Des Manendaghes na sinte Peters dach . ad~vincula