Corpus Van Reenen-Mulder (CRM14): Oorkonde E192p37803

@ @ Alle den ghenen die dezen brief zellen zien of horen lezen / Doe wi v_staen / willam ouer de vechte Scoute / andries van driel / wernaer braem / johan de zwarte en_ @ johan van blochouen / Scepene tutrecht / Dat voer ons quam jnt gherechte / Steven gherijd woutmans soen / En_ toende aldaer / vier Scepenebrieue / gans en_ gaue en_ wel @ bezeghelt / mit seghellen des Scouten enter Scepene van vtrecht / daer die een brief of helt hoe dat mechtelt vrederic ossekiins dochter / mit iacobs hant hoers mans @ hoer twalef morghen lants joncfrou ermegaert die vrederic zouden wijf was van damassche / jacob en_ johan gherijd hoer twe zoenen / hoer vier morghen lants gheghe-uen hadden alze recht wijsde / johanne gheyneman / tenen eweliken erfpachte / also alse die zestien morghen lants onderdeelt gheleghen ziin / ouer Riin / daer die @ heren van + den duytschen + huys / naest gheleghen ziin / aen die ouer~zide en_ gherijd woutman aen die neder~zide / elken morghen jaerlix om vier en_ twintich goeder groter Coninx tornoyse / oft payment daer voer vrijs ghelts en_ daer die date van dezen brieue of hielt jnt jaer ons h_en Duzent + / dre + hond_t en_ @ vier en_ dertich / des vrydaghes na zinte bertelmeeus daghe / jtem die ander Scepenebrief hielt hoe dat iohan gheyneman den Scoute en_ Scepene van @ vtrecht ghetoent hadde den erfpachtbrief voerscreuen / Sprekende van + den voerseyden zestien morghen lants en_ hoe dat hi dien zeluen erfpachtbrief ouer~ghegheuen hadde johan scinckel en_ dat qwijt ghescouden hadde / tot johan scinckels behoef / zine pachtwere / en_ alle rechts dat hi hadde aen dezen voerseyden lande @ En_ daer die date of hielt jnt jaer ons h_en Duzent + / dre + hond_t achte en_ viertich op zinte pouwels avont in + den afterwiint_ jtem die derde brief sprac hoe @ dat johan scinckel ghegheuen hadde gherijd woutman die zestien morghen lants voerscreuen / op zulken pacht alse gheleghen ziin / also alse hi + ze van iohan @ gheyneman / ontfaen hadde en_ daer of verteghen tot gherijd woutmans behoef vorghenoe_t alse recht wijsde / en_ daer die date of hielt jnt jaer ons @ h_en Duzent + / dre + hond_t en_ vijftich des donredaghes na zinte jacobs dach in + den zomer / en_ die vierde brief sprac / hoe dat gherijd woutman ghegheuen hadde @ Steuen zinen zoen / zestien morghen lants / op zulken pacht alse gheleghen ziin / ouer Riin tusschen der h_en lant van den duytschen + huys aen die ouer~zide ende @ gherijd woutmans lant / aen die neder~zide / also alse hi + ze van johan scinckel ontfanghen hadde / en_ daer of verteghen hadde / alse recht wijsde tot steuens behoef voerseyt / En_ van dezen zeluen brieue zo hielt die date jnt jaer ons h_en Duzent + / dre + hond_t + / en_ vijftich / des donredaghes na zinte @ andries dach / Ende doe wi deze voerscreuen brieue / ghezien en_ wel verstaen hadden / aldaer zo gaf Steuen gherijd woutmans zoen voerzeyt @ gherijd van damassche / alle deze voerscreuen brieue / en_ alle rechts dat hi daer aen hadde / ende verteech daer of / tot gherijds behoef van damassche @ vorghenoe_t / alse recht en_ ordele wijsde / dat hi sculdich was te + doen / jn orconde dezer dinghe / zo hebben wi Scoute en_ Scepene vorghenoe_de onze zeghelle @ aen desen brief ghedaen / ghegheuen jnt jaer ons h_en Duzent + / dre + hond_t + / achte en_ tseuentich / Des donredaghes na dertienden dach : . ~