Corpus Van Reenen-Mulder (CRM14): Oorkonde E192p37804

@ @ Wi borghermeysters / Scepene Raet en_ ghemene Oudermans van + den ouden rade en_ van + den nywen der Stat van vtrecht / Doen @ cont en_ kenliken allen luden / dat wi vercoft hebben / dirc den keyzer om ene zeker Su_me van ghelde die hi ons vol en_ al @ betaelt heeft / den Eersten pe_ninc mitten lesten en_ die wi voert in onser Stat orbaer ghekeert hebben alse onser stat @ scout mede te + betalen Een bloc lants dat gheleghen is buten der tollensteghe aen die oesterzide des riins en_ hout twe mor-ghen vier hont lants en_ zeuen en_ tachtichste + half Eenclufter scaften lants mitten haluen sloet ghemeten die an + de oesterzide allanghes daer beziden aen gheleghen is opstreckende tot hellenborgher weteringhe toe / welke twe morghen @ vier hont lants en_ zeuen en_ tachtichste + half Eenclufter scaften voerscreuen wi den voerseyden Dirc den keyzer @ den vryen eyghendom of ghegheuen hebben also alst gheleghen is / En_ hebben gheloeft en_ ghelouen mit goeden trouwen @ den voerseyden Dirc den keyzer en_ zinen nacomelinghen den seluen eyghendom van + den lande voerscreuen te + waren in @ allen dien seluen rechte alse wiit haer toe ghehat hebben en_ allen co_mer of te + doen / behouden onser Stat voerseyt @ Eens voet~paets van zeuen voeten breet also alst haer toe daer gheleghen heeft / jn orconde des briefs beseghelt mit @ onser Stat zeghel / ghegheuen jnt jaer ons heren dusent dre + hondert achte en_ tseuentich des donredaghes na onser @ vrouwen dach conceptio : . . .