Corpus Van Reenen-Mulder (CRM14): Oorkonde E192p38301

@ Alle den ghenen die desen brief zellen zien of horen lesen Doe wi verstaen jacob van lochorst Scoute Claes van loenen johan @ van zulen vrederic de langhe en_ henric van ghent Scepene Tutrecht dat voer ons quamen jnt gherechte griete die wolfs @ wiif was van + den velde mechtelt griete en_ lisebet hoer kiindere die si hadde bi horen man voerseyt En_ Rutgheer des voerzeyden wolfs zoen van + den velde die hi hadde bi ekabe zinen wiue Ende aldaer so gaf griete die wolfs wiif was van + den velde voerzeyt mit hoers ghecorens mombaers hant daer si mit rechte ende mit oerdele aen quam mechtelt griete en_ lisebet hoer @ kiindere voerscreuen gauen mit hande hore maghe van horen vier vierendelen / en_ Rutgheer vorghenoemt gaf mit siins selfs @ hant henric den roden alle rechts dat si hadden an + den erfpachtbrief daer onse tieghenwoerdighe brief doer ghesteken is beseghelt @ mit onsen zeghellen Ende verteghen daer of tot henrix behoef vorghenoemt alse recht en_ oerdele wiisde dat si sculdich waren te doen Ende griete die wolfs wiif was van + den velde mechtelt griete en_ lisebet hoer kiindere voerscreuen loefden hem @ mede alse recht wiisde jaer en_ dach te waren na dien dattet ter stat klocke ghekvndicht wart en_ alle voerplechte of te + doen @ ghegheuen jnt iaer ons ? dusent dre + hond_t dre en_ tachtich des eersten donredaghes in + der maent van maerte /