Corpus Van Reenen-Mulder (CRM14): Oorkonde E192p38302

@ @ Alle den ghenen die desen brief sellen sien of horen lesen Doe wi verstaen aernoud de @ vos Canonic en_ Cameraer in der tijd der kercken van Sinte marien tutrecht @ jacob sloeyer heynrix sone tsiins~here in den ommeloep dat voer ons quam en_ @ voer die tiinsghenoten in den ommeloep int gherechte jacob lieboert en_ gaf ende @ droech ons op die tiinswere ende al + rechts van huus en_ hofstede also alset gheleghen is in der botterstrate an die noert~zyde van der straten daer bouen naest @ gheleghen is heinric van ghent en_ beneden johan borren erfnamen / an die nedersyde en_ daer toe seuen pont siaers viif scillinghe miin de jacob lieboert daerwt hadde in + der husinghe en_ hofstede voerscreuen en_ verteech daer of alse @ tiinsghenoten / wiisden dat recht was / Doe dat ghedaen was doe gauen wi @ rechte~voert / en_ verlyeden mede joncfrou mechtelt de johans clercx wiif @ was die tiinswere en_ al + rechts van huus en_ van hofstede en_ die seuen pont @ siaers / viif scillinghe miin in allen scyne alst ons jacob lieboert / op~ghedraghen en_ gheuen hadde behouden elkermalc siins rechts hier waren ouer / ende @ ane daer dit ghesciede / als herman zalm herman zwanekaert Roelof de @ sloetemaker en_ wernaer de haze en_ anders vele goeder lude jn orconde @ deser dinghe So hebbe wi Cameraer en_ tsiinshere voerghenoemde onse seghel-le an desen brief ghedaen . . ghegheuen int jaer ons heren dusent + / dre + - @ + hondert dre en_ tachtich op Sinte mergrieten dach . - -