Corpus Van Reenen-Mulder (CRM14): Oorkonde E192p38601

@ @ Alle den ghenen die desen brief zellen zien of horen lesen doe wi verstaen Scoute en_ Scepene der Stat van vtrecht dat voer ons @ quam jnt gherechte / willam sluter en_ belyede voer hem en_ voer ziin nacomelinghen aen hande gherijds van damassche ende Johans @ coninx kercmeysters in deser tijd der kerken van buerkerke tutrecht tot behoef der kerken voerseyt zo wanneer dat + men @ dat nywe koer voert op~ty_mert an + der voerseyder kerken ende dat koer siin lucht ghehindert wart van dien ouer-steke / also alse willam ziin huys ouer~ghesteken heeft / tends dien voerseyden koer zo zellen willam voerseyt of ziin nacomelinghe dat ouerste ouerstec van + den dreen ouersteken ofbreken / zo wanneer dattet den Rade van + der stat en_ den kercmeysters die dan in + der tijd ziin nutte dunct wesen / En_ alse hiit ofbreket alse voerscreuen is zo zellen hem die kercmeysters die dan in + der tijd ziin weder gheuen tien pont pe_ninghe payments dat ghenghe en_ gaue is binnen vtrecht @ dit ghesciede onder willam ouer de vechte Scoute Jacob de langhe henric de witte Roetaerd van lantscrone Claes van @ loenen herman van wuluen willam van minden volprecht van ameronghen Johan pot beernt proeys Johan lieboert willam scade van tulle en_ henric trinde henrix soen Scepene Tutrecht / En_ op~dat dit vast en_ stade bliue zo hebben wi @ Scoute en_ Scepene vorghenoemde onser Stat zeghel aen desen brief ghedaen tenen orconde ghegheuen Jnt iaer ons @ heren dusent dre + hondert zes en_ tachtich / op zinte lucyen dach /