Corpus Van Reenen-Mulder (CRM14): Oorkonde E192p38602

@ @ Wij Deken ende Capittel ten Doem Tutrecht doen Cont allen den ghenen die desen brief sellen sien of horen lesen Dat wij vercoft @ hebben der abbedissen ende Conuent tot Oudewijc buten vtrecht twe Campen lants metter steghen die daer oestwaert en_ zuutwaert @ beneuen leghet / ende houden tuschen tienen en_ elfs merghenen lants / welc twe Campe lants metter voerscreuen steghe also groet @ en_ also cleyn alse si gheleghen sijn Oestwaert van Oudewijc in onser doemproestyen ghericht / daer die abbedisse en_ Couent van oude-wijc . westwaert en_ noertwaert naest ghelant sijn / ende Johan . . . . pot oestwaert en_ volprecht van ameronghen zuutwaert / wij @ der abbedissen en_ Conuent van oudewijc voerscreuen op~draghen mit desen brieue Ende vertyen daer op tot hoerre behoef als @ ons en~gheen richt daer aen te behouden / Voert make wij machtich mit desen brieue haren Euert foet-e onsen Concanonic dit voer-screuen lant van onser weghen op te draghen voer richter ende ghebuere int ghericht daert gheleghen is tot behoef der abbedissen @ en_ Conuents voerscreuen En_ daer op te vertyen / En_ voert in te doen als tfonisse wisen sel / Jn oerconde des briefs bezeghelt mit ons @ Capittels zeghel Ghegheuen jnt iaer ons heren Dusent drie + hondert ses ende tachtentich op alre~kijnder~dach m_