Corpus Van Reenen-Mulder (CRM14): Oorkonde E192p39103

@ @ Alle den ghenen die dezen brief zellen zien of horen lezen doe wi verstaen Scoute en_ Scepene der Stat van vtrecht dat voer ons quamen jnt + gherechte gheriit van ecke ende joncfrou johanne ziin wiif ende toenden aldaer drie Statbrieue gans en_ gaue ende wel bezeghelt mit onzer Stat grote zeghel van vtrecht daer die ene Statbrief of sprac van woerde te + woerde aldus (onleesbaar) Doer welc statbrief voerseyt twe transfixbrieue staken gans ende gaue en_ wel bezeghelt mit zeghellen des scouten en_ der scepene van @ onzer stat daer die een transfixbrief of sprac van woerde te + woerde in dezer manyeren (onleesbaar) Ende die ander transfixbrief sprac van woerde te + woerde als hier na bescreuen staet (onleesbaar) Ende die ander statbrief sprac van woerde te + woerde aldus (onleesbaar) Doer welc statbrief voerseyt een transfixbrief stac @ gans en_ gaue ende wel bezeghelt mit zeghellen des scouten en_ der scepene van onser stat sprekende van woerde te + woerde in dezer manyeren (onleesbaar) Ende die derde statbrief sprac van @ woerde te + woerde alze hier na bescreuen staet (onleesbaar) Doer welc statbrief voerseyt een transfixbrief stac gans en_ gaue en_ wel bezeghelt mit zeghellen des scouten ende der scepene van onser stat sprekende van woerde te + woerde aldus (onleesbaar) Ende doe wi deze voerscreuen brieue ghesien en_ wel verstaen @ hadden aldaer zo gauen gheriit van ecke en_ joncfrou johan siin wiif voerscr_ mit zamender hant aleyden haren johan tams dochter die hi heeft bi aleyden Engbrechts dochter van lopic den eyghendom van enen deel van + den erue daer de voerscreuen brieue of spreken alse van tween @ hofstede daer de ene of gheleghen is in de nywe + strate an + de westside van + der straten die mychiel de verwer in erfpachte heeft op seste + half pont siaers en_ vier hoenre siaers tusschen husinghe en_ hofstede johan bonten emmelrics soen an + de zuutside ende herristeghe an + de noertside Ende @ die ander hofstede is gheleghen in herristeghe die claes van haerlem in erfpachte heeft op dre pont en_ viiftien scillinghe siaers tusschen husinghe en_ hofstede mychiels voerscreuen an de oestside en_ wouter de ketellaer an + de westside Ende verteghen daer of en_ van al rechts @ dat si an + den voerseyden twe hofsteden hadden tot aleyden behoef voerghenoemt alze recht ende oerdele wiisde dat si sculdich waren te + doen Ende loueden hoer mede den voerscreuen eyghendom jaer ende dach te + waren na beloken paschen naest comende ende alle voerplechten of + te + doen Mit zulken vorwaerden waer dat zake dat aleyd haren johan thams dochter voerscreuen storue eer haer johan voerscr_ ende zi ghene blikende boerte after hoeren liete zo zellen deze neghen pont viif scillinghe en_ vier hoenre siaers voerscr_ comen en_ eruen @ op h_en johan tham voerghenoe_t jn zulken manyeren dat deze renten voerscreuen enten eyghendom daer of in de weerlike hant bliuen zellen Mer waert dat aleyd h_en johan thams dochter voerscreuen storue ende ofliuich worde na dode h_en johans voerscr_ zo zelt comen @ op horen rechten erfnamen oec weder si dan blikende boerte after~liet of nyet Ende dit is de ander sake de gheriit van ecke en_ joncfrou johan siin wiif voers_ op dezen dach voer ons daden Ende hier of so worden alle deze voerscreuen brieue ghescoert tot onser antwoerde @ behoudelic des teghenwoerdighen briefs volcomen machte te + hebben en_ daer toe alle die machte gheliker wiis en_ in allen manieren of die voerscreuen brieue onghescoert ghebleuen waren dit ghesciede onder beernt proeys scoute jacob de langhe ghisebrecht grawaert henric de witte Claes van loenen herman van wuluen willam van mynden volprecht van ameronghen johan lyeboert willam scade van tulle ghisebrecht-e van + der weyde lubbrecht bolle ende johan van lantscrone scepene tutrecht Ende op~dat dit vast en_ stade bliue @ zo hebben wi scoute en_ scepene voerghenoe_de onser stat seghel an desen brief ghedaen tenen oerconde ghegheuen jnt iaer ons h_en dusent dre + hondert een en_ tneghentich des dinxdaghes na sinte ponciaens dach