Corpus Van Reenen-Mulder (CRM14): Oorkonde E192p39201

@ @ Alle den ghenen die desen brief zellen zien of horen lezen Doe Wi verstaen Beernt @ Proeys scoute gheriid van damassche johan lieboert lubbrecht bolle ende Johan van lantscroen @ Scepene Tutrecht dat voer ons quam jnt gherechte / lizebet Matheeus dochter vten @ graslande ende gaf mit hoers ghecorens mombaers hant daer zi mit rechte ende @ mit oerdele aen quam joncfrou Margrieten van Catwyc ende joncfrou jutten @ van + den damme alse meystersche van + den beghiinhoue tutrecht jn dezer tiid tot behoef @ der ghemeenre joncfrouwen van + den beghiinhoue voerscreuen den eyghendom ende alle @ rechts dat zi hadde an + der husinghe ende hofstede daer die Scepenbrief of spreect @ daer onze tieghenwoerdighe brief doer ghesteken is bezeghelt mit onsen zeghellen @ behoudeliken lisebet voerseyt hore lijftochte daer aen also langhe alse zi @ leeft Mit sulken vorwaerden dat na lisebetten doet voerscreuen de mene joncfrouwen van + den beghiinhoue voerscreuen jaerlix hebben zellen vter husinghe en_ @ hofstede voerscreuen vier pont siaers Ende die arme joncfrouwen van + den @ beghiinhoue voerscreuen twe pont siaers erflic ende Ewelic ghegheuen jnt jaer @ ons heren dusent dre + hondert twe ende tnegentich des dinxdaghes na + der Elf @ + duzent megheden dach : - /