Corpus Van Reenen-Mulder (CRM14): Oorkonde E192p39202

@ @ Alle den ghenen die desen brief sellen zien of horen lesen Doe wi verstaen Scoute ende Scepene der Stat van vtrecht dat voer ons quamen Jnt gherechte Johan van + den riin wouters soen ende beerte siin wiif Ende toenden aldaer enen Erfpachtbrief gans ende gaue ende @ wel bezeghelt mit onser Stat grote zeghel van vtrecht sprekende van woerde te woerde aldus . (onleesbaar) Ende doe wi desen voerscreuen erfpachtbrief ghesien ende wel verstaen hadden aldaer @ so gauen Johan van + den riin wouters soen ende beerte siin wiif voerghenoemde mit zamender hant tot enen Eweliken erfpacht godeuaert henrix soen van vinckenborch Een deel van + der hofstede daer die voerseyde erfpachtbrief of spreect alse een hofstede @ gheleghen in Johans strate van + den riin aen die ? van + der zeluer straten streckende van + der straten noortwaert in aen + der h_en lande van + der Doem / ende van dreen roeden breet voer ende after na + der Stat mate van vtrecht ghemeten / daer godeuaert @ henrix soen voerseyt een huys op gheti_mert heeft op die westzide van + der zeluer hofstede / ende daer Johan van + den rine ende beerte siin wiif voerscreuen op beyden siden naest der voerseyder hofstede ghelant bliuen op deze tiid Elx iaers om viifte + half loot @ goets zuluers of payment daer voer alse die h_en van + den Doem Tutrecht voer zuluer van horen pachte nemen in elker tiid der betalinghe / ende om twe capoene Te + betalen die ene helfte van + den zuluer tot Paschen / ente ander helfte mitten capoenen tot @ zinte Victoers misse Ende also voert Jaerlix eweliken Mit dusghedanighen vorwaerden dat Johan van + den rine en_ beerte siin wiif voerghenoemde noch hoer erfnamen nyet meer en moghen vercopen noch wech~gheuen noch verzetten noch verzellen aen desen deel @ van deser hofstede voerghenoemt dan desen voerghenoemden pacht Maer godeuaert henrix soen van Vinckenborch voerseyt siin erfnamen ende siin nacomelinghen moghen vryliken vercopen of wech~gheuen / of verzetten of verzellen dese een deel van deser voerseyder hofstede ende @ die husinghe die daer nv op gheti_mert staen of hier na gheti_mert warden onder zulken pacht ende vorwaerden alse hier voer bescreuen staet . Voert so ziint vorwaerden dat godeuaert henrix soen voerseyt noch siin nacomelinghen gheen bordeel / noch olibancke houden @ en zellen opter hofstede voerscreuen Ende waert dat godeuaert voerseyt / of siin nacomelinghen desen erfpacht voerscreuen tot enigher tiid vercopen wouden / zo zellen ziit Johan van + den rine en_ beerten sinen wiue voerscreuen of horen nacomelinghen tevoeren byeden @ en_ gheuen of ziit hebben willen om dat zelue ghelt daert een ander om hebben zoude / ende daer zellen si vier daghe lang hoer beraet op hebben weder si den coop aen~nemen willen of en willen Ende Johan van + den riin ende beerte siin wiif voerscreuen louen hem mede @ desen erfpacht an + der hofstede voerscreuen Jaer ende dach te waren alse recht is / ende alle voerplechten of te + doen / ende den ouden pacht die vten voerscreuen goede gaet Jaerlix te + goeder tiid te betalen ende te verwaren buten coste ende scade godeuaert henrix soens @ voerghenoemt ende sire nacomelinghen Dit ghesciede onder beernt proeys Scoute gherijd van damassche ghisebrecht grawaert Johan hombout gherijd vrencke willam ouer + de vecht Johan van alenderp herman van wuluen willam van miinden Jacob die langhe Johan lieboert @ lubbert bolle ende Johan van lantscrone Scepene Tutrecht Ende op~dat dit vaste ende stade bliue zo hebben wi Scoute ende Scepene voerghenoemde onser Stat zeghel an desen brief ghedaen tenen orconde ghegheuen int Jaer ons h_en dusent dre + hondert twe ende tneghentich op zinte @ valentiins auont