Corpus Van Reenen-Mulder (CRM14): Oorkonde E192p39301

@ @ Alle den ghenen die dezen brief zellen zien of horen lesen doe wi verstaen vrederic van draekenborch Scoute henric van ghent Ermbrecht Pellencussen dyderic gvnter ende Johan de Coninc @ Scepene tutrecht dat voer ons quamen Jnt gherechte / godeuaert henrix-e soen van vinckenberch @ ende aleyd siin wiif en_ gauen daer ouer tot onser antwoerde mit samender hant alse recht wiisde @ aleyd ghoriis dochter en_ lisebetten . ghorijs dochter hoer zuster / den Erfpachtbrief en_ alle rechts @ dat zi daer aen hadden daer onse tieghenwoerdighe brief doer ghesteken is beseghelt mit onsen @ zeghellen / Ende verteghen daer of en_ van + der husinghe ende hofstede daer de voerscreuen @ Erfpachtbrief of spreect tot behoef aleyden en_ lizebetten hore zuster voerghenoemt @ alse @ rechte ende oerdele wysde dat zi sculdich waren te + doen Ende gheloefdent hem mede jaer en_ @ dach te + waren na sinte lambrechts daghe nv naest comende / Ende alle voerplechten of + te + doen Mede @ so quamen voer ons ter seluer tiid Jnt gherechte . johan van + den riin wouters soen en_ beerte @ siin wiif en_ scouden qwiit den voercoep op dese tiid mit samender hant alse recht wiisde van + der @ husinghe ende hofstede voerscreuen tot behoef aleyden en_ lisebetten voerscreuen behoudeliken @ hem voertaen hoers voercoeps en_ alle hoers rechts an + der seluer husinghe ende hofstede voerscreuen / ghegheuen Jnt jaer ons heren dusent dre + hondert dre ende tneghentich des donredaghes op zinte Johans auont decollatio : - / ~ ~ ~ ~ ~ ~ ~ ~ ~