Corpus Van Reenen-Mulder (CRM14): Oorkonde E192p39302

@ @ Wi ? en_ ghemene Convent van oudwiic bi vtrecht opte een zide / en_ willam van ? ? ? zide . doen cont en_ kenlic allen luden Dat wi mit goeden voerzien ? berade bi rade en_ ? @ des Raets van vtrecht malc mit andren ouer~? ziin voer ons en_ voer onse nacomelinghen / Dat wi die weteringhe Streckende van + der ghildebrugghe an + den wech / de an + den zogheweert gheleghen ? @ tusschen onse Abdisse en_ Convents ? voerscreuen / opte ? zide en_ Miin lant willams vorghenoemt dat ic van + der Doomproofstyen van ? houdende bin opte ander zide / ghemeen houden maken @ en_ verwaren zullen . elc op siin zide daer hi gheerft is / totter haluer weteringhe toe / en_ die weteringhe te + scouwen tot tween scoudaghen op alzulke koeren en_ ? allen manieren en_ vorwaerden / also hier na @ bescreuen staet / Jn + den eersten zo zel die eerste scoudach wezen alle iare / opte Meydach / of binnen viertien daghen daer na onbegrepen / op enen koer van vier ponden / zulx payments / alse daer die Stat van @ vtrecht jaerlix hoer lijfrenten mede betaelt de zi sculdich siin in ? tiid En_ waert dat die weteringhe . binnen dier voerseyder tiid nyet ghemaket en ware / zo verboerde die ghene daert tghebrec @ aen @ viel dien voerseyden koer van vier ponden ? die ander scoudach zel ? op sinte Martiins dach translatio / of binnen viertien daghen daer na onbegrepen / elc voer ziin erue En_ gheuiel dat ghebrek / aen @ ons Abdisse en_ Conuente voerscreuen / alse hier voer bescreuen staet / zo ? wi Abdisse en_ Convente vorghenoemde verboeren / enen koer ? achte ponden der voerseyder payen alse van + den termine van zinte @ Martiins dach translatio voerscreuen / of binnen viertien daghen daer na onbegrepen / En_ gheuiel dat ghebrec / aen mi willam vorghenoemt / ofte aen minen nacomelinghen ?~dat die ? weteringhe nyet ghemaket @ en ware / op sinte Martiins dach translatio of binnen viertien daghen daer na ? / alse voerscreuen is / zo zel ic / en_ mine nacomelinghen / der Abdissen en_ Convente vorghenoemde enen opstal rumen @ van vierde + half voeten / aen miinre zide daer ic nv gheerft bin rumelic zonder hinder hoer Sliic op te + legghen / tot sulken tiden alse voerscreuen is / en_ anders nyet / En_ dan zellen wi Abdisse en_ Convente @ voerscreuen / die voerseyde weteringhe voertaen allene houden zonder enich verboeren / van boeten / ofte van koeren / En_ dese voerseyde weteringhe zel altoos wijt bliuen / op sulker wide alzi nv gheleghen is @ Dat is te + verstaen van + der ghildebrugghe ter gorstelcule toe / an + den clooster van oudwijc zestien voeten wijt / en_ van + der gorstelCule an + den wech an + den zoochweert / neghen voeten wijt driuens waters opten @ scoudaghen voerscreuen / En_ dese zelue weteringhe / en zel + men nyet bepoten / dan also redelic / dat + men + ze rumelic varen / keren en_ ghebruken mach / En_ ic willam voerseyt / en_ miin nacomelinghe / en @ moghen gheen opstal verboeren / neffen haren johans erue van Renesse / daer willam van ? ? naest gheleghen is / en_ Claes Sabel beneden ? erue dat si van mi in pachte hebben / gheleghen @ opter weteringhe voerscreuen En_ dese scouwe voerscreuen zellen doen alle Jare twe ma_ne . van + den rade van + der Stat voerscreuen die de Raet van vtrecht die wezen zel in + der tijd daer toe zetten @ zullen alze ziis van enigher zide voerscreuen vermaent warden / En_ die scouwe te + doen / binnen achte daghen . na elken koerdach voerscreuen / alst die zelue twe van + den rade voerscreuen vermaent warden @ En_ die koeren die verscinen zullen / daer of zellen hebben die voerseyde twe van + den rade voerscreuen die ene helfte / en_ die ander helfte zel gaen daer + ze + de vier ouerste van + der stat die wezen zullen jn + der @ tijd wizen . zullen . behoudeliken v_mer der Stat van vtrecht al hoers rechts en_ toezegghens / dat si an + der weteringhe voerscr_ te + zegghen moghen hebben / Ende op~dat alle dese punten en_ ouerdrachte voerghenoe_de @ eweliken vaste en_ stade / en_ onverbroken bliuen / zo hebben wi Abdisse en_ Convente voerscreuen / ons Convents seghel / En_ ic willam van alenderp voerseyt / minen zeghel aen desen brief ghedaen / En_ o_me @ die meerre orconde / en_ vestenisse deser dinghe / zo hebben wj Abdisse en_ Convente voers_ opte een zide / en_ ic willam van alenderp vorghenoemt opte ander zide ghebeden Eerzemen luden Den borghermeysteren @ Scepene en_ Raet der Stat van vtrecht / desen brief mede te + bezeghellen / mit hore Stat seghel / En_ wi borghermeyst_s Scepene en_ Raet der Stat van vtrecht voerscreuen bekennen dat alle dese punten / voerwaerden en_ @ ouerdrachten vorghenoemde in al + der zeluer manieren alse hier voer bescreuen staet bi onser consente en_ ghoetduncken ghesciet siin . / daer o_me hebben wi om bede wille der Abdissen en_ Convente voerscreuen / opte @ een zide / en_ willams van alenderp vorghenoemt / opte ander zide / onser Stat seghel mede aen desen brief ghedaen / alse tot eenre meerre orconde / en_ vestenisse alle deser dinghe voerscreuen . behoudeliken v_mer @ onser Stat voerseyt / al hoers rechts en_ toezegghens / dat si an + der weteringhe voerscreuen ? + ? moghen hebben / alse voerscreuen is / Deser brieue ziin twe alleens sprekende / ghegheuen jnt jaer ons heren @ Dusent dre + hondert + . dre en_ tneghentich . op sinte Cecilen Auont