Corpus Van Reenen-Mulder (CRM14): Oorkonde E192p39401

@ @ Alle den ghenen die dezen brief zellen zien of horen lezen Doe wi verstaen Scoute en_ Scepene der Stat van vtrecht dat voer ons quamen jnt gherechte @ wouter reynaers soen en_ johan van blochouen siin soen Ende belyeden aldaer mit zamender hant alse dat gherijd bolle en_ siin nacomelinghe tot alre tijd @ vryliken varen moghen mit horen balken jn + den gheuel die gheleghen is aen die oestzide van horen Cameren aen gherijds bollen erue voerseyt @ in + de middelstrate bi + den vleyschuze ter haluer mueren toe . Ende mit horen anckeren daer doer anckeren ende wanneer zy ty_meren willen hoer voer-seyde ty_meringhe aen beyden siden van + den voerseyden gheuel ter haluer mueren toe helen moghen . Jn zulken vorwaerden dat gherijd bolle voerseyt @ noch siin nacomelinghen den scoersteen die midden jn + den voerseyden gheuel staet nyet mencken noch houwen en zellen noch jn + den scoersteen voerseyt @ gheen balken noch ancker legghen en zellen noch in + den gheuel voerseyt ghene blinde veynsteren houwen en zellen noch de muer houwen en zellen . anders @ dan mit horen balken en_ anckeren . Ende wes zi breken jn + den gheuel voerscreuen dat zellen zi weder maken buten cost en_ scade wouter reynaers @ soens voerscreuen en_ ziinre nacomelinghen . Ende waert dat sake dat gherijd voerseyt een gote legghen woude aen den voerseyden gheuel @ so zoude hi siin water leyden ter straten waerts wt . Mede so quam voer ons ter seluer tijd jnt gherechte gherijd bolle voerseyt en_ belyede @ alse dat hi aen den voerseyden gheuel gheen recht noch toesegghen en heeft dan dat hi en_ siin nacomelinghen tot alre tijd vryliken varen mo-ghen mit horen balken en_ anckeren jn + den gheuel voerscreuen in allen manieren alse voerscreuen is en_ anders nyet alle arghelist wtghezet @ Mede so is ons kenliken dat florans van jutfaes wouter reynaers soens soen voertijds voer den scoute en_ scepene van onser stat verteghen @ heeft tot behoef wouters siins vaders vorghenoe_t van alle ghoets en_ erfnisse dat hem binnen vtrecht aen~bestoruen was van dode joncfrou @ hazen zire moeder die wouters wijf was vorghenoe_t Met so is ons kenliken dat joncfrou aleyd willams wiif van winsen voertijds voer den scoute @ en_ Scepene van onser stat verteghen heeft mit willams hant van winsen hoers mans en_ hoers witteliken mombaers tot behoef wouter @ reynaers soens hoers vaders van allen goede en_ erfnisse de + hoer aen~ghecomen en_ bestoruen is van hore moeder doot . Dit ghesciede @ onder Beernt Proeys Scoute jacob de langhe ghizebrecht grawaert johan hombout Claes van loenen herman van wuluen willam van @ Minden johan lyeboert willam scade van tulle johan van lantscrone gherijd van damassche jacob van + der a johans soen en_ johan de voecht Sce-pene Tutrecht / En_ op~dat dit vaste en_ stade bliue zo hebben wi Scoute en_ Scepene vorghenoe_de onser stat seghel aen desen brief ghedaen @ tenen orconde deser brieue siin twe . ghegheuen jnt jaer ons h_en dusent dre + hond_t vier en_ tneghentich des donredaghes na alre goeds hey-lighen dach : - / ~ ~ ~ ~