Corpus Van Reenen-Mulder (CRM14): Oorkonde E192p39701

@ @ Alle den ghenen die desen brief zellen zien of horen lesen doe wi verstaen Scoute en_ scepene der stat van vtrecht dat voor ons quamen jnt + gherechte johan van + den riin wouters soen en_ @ beerte siin wiif Ende toenden aldaer enen erfpachtbrief gans en_ gaue en_ wel beseghelt mitter abdissen en_ ghemene Convents seghel van zinte servaes tutrecht onghecancelleert @ en_ ongheraseert sprekende van woerde te + woerde in deser manieren (onleesbaar) Ende doe wi desen voerscreuen erfpachtbrief ghesien en_ wel verstaen hadden aldaer so gauen johan van + den @ riin en_ beerte siin wiif voerscreuen mit samender hant dese hofstede en_ dese Cameren die daer nv op ghety_mert staen of namaels ghety_mert werden arme reckelike lude @ om goeds willen jn + te + wonen Mit zulken vorwaerden dat + men die twe die voor an + der straten staen verhueren sel en_ daer sel + men de ander zeuen mede staende houden en_ verbeteren @ so wat daer ouer loopt daer zel + men den armen luden die in + den Cameren wonen torf om copen behoudeliken den armen zusteren die nv wonaftich siin of namaels wonaftich @ werden in + der husinghe en_ hofstede after sinte johanne die voertiids her godeuaert van beyer en_ her dirc van duysborch preesters den armen zusteren ghemaket en_ ghegheuen @ hebben om goeds willen jn + te + wonen hoer zes loet zuluers Clof zuluers die si daer wt hebben also alse hoer brief begrepen heeft voert siint vorwaerden dat jan van + den riin @ en_ beerte ziin wiif voerscreuen hoer liiftochte hebben sellen an desen goede also langhe alse si in leuenden liue siin Ende so wanneer jan van + den riin en_ beerte siin wiif voerscreuen @ beide ofliuich siin so sel dit bewaren om goeds willen die oudste kercmeyster van sinte nyclaes en_ daer sel hi of hebben een take wiins tot elken korsauont of hise hebben wil @ siin twe jaer lang Ende so voert die na hem coempt Mede siint vorwaerden dat dese Cameren tot ewyghen daghen bliuen sellen ter armer behoef om goeds willen jn + te + wonen @ alse voerscreuen is Mede so siint vorwaerden dat jan van + den riin en_ beerte siin wiif voerscreuen dit wederroepen moeghen so wanneer jan of beerte voersc_ hore ene ofliuich @ is so is dit wederroep wt . Waer yemant die in desen Cameren woende die onreckeliken of onsedeliken leefde of die sceldinghe of kivinghe makede tieghen ziin buere die soude @ die kercmeyster wtdoen bi hore twe die langhers in + den Cameren ghewoent hadde Ende daer soude hi een ander weder in setten bi desen tween voersc_ Mit vorwaerden dattet @ altoes jn + de weerlike hant bliuen sel . dit ghesciede onder beernt proeys Scoute vrederic van drakenborch hughe lieboert Jacob van groenenwoude henric van ghent goedscalc @ van winsen dirc van + der weyde gherijd Coman alfer van + der a willam van alenderp johan de Coeninc pilgrim de wale en_ johan woutman Scepene tutrecht Ende op~dat dit vaste en_ stade @ bliue so hebben wi scoute en_ scepene voerghenoemde onser stat seghel aen desen brief ghedaen tenen orconde ghegheuen jnt jaer ons heren dusent dre + hondert zeuen en_ tneghentich @ des donredaghes na sinte gelijs dach