Corpus Van Reenen-Mulder (CRM14): Oorkonde E193p39701

@ @ Alle den ghenen die dezen brief zellen zien of horen lezen Doe ic verstaen hughe de craen Scoute opten oestveen in @ beernt proeys gherechte dat hi van + den doemproefst hout Dat voer mi voer de lantghenoten en_ voer de buere de @ hier na bescreuen staen ghecomen is jnt + gherechte joncfrou lysebet peters wiif van snellenborch en_ gaf mit horen @ vryen wille en_ mit peters hant hoers mans voerscr_ en_ hoers witteliken mombaers johan van + den wedde horen @ neve enen vryen eyghendom van een stuc veens also alst gheleghen is in + den voerscreuen gherechte in + den nedersten @ tien hoeven opstreckende van + des bisscops weteringhe ter drinschote waert daer joncfrou hildegont van + den veen boven @ naest ghelant is en_ johan wedighe beneden Ende verteech mede daer of ende claerlike van al rechts en_ toesegghens @ dat zi an dat voerscreuen stucke veens hadde tot behoef johans van + den wedde voerscr_ alse recht en_ oerdel wiisde @ dat zi sculdich was te + doen endet mitten rechte stedicheyt hebben zel : hier waren ouer en_ ane daer dit ghesciede @ Ermbrecht pellencussen wouter van + den velde broenis dyrix soen en_ henric henric hughen soens soen lantghenoten @ ende bure in den gherechte voerscr_ en_ anders vele goeder lude Ende op~dat dit vast en_ stade bliue so hebben wi @ hughe de craen Scoute Ermbrecht pellencussen wouter van + den velde en_ broenis dyrix soen lantghenoten voerseyt @ onse seghellen an desen brief ghedaen van + des gherechts weghen en_ om bede wille henrix voersc_ tenen oerconde @ En_ ic henric voers_ kenne en_ tughe dit onder dezer voerghenoemder seghellen En_ hebbe hem ghebeden desen brief @ mede ouer mi te + beseghellen want ic hier mede ouer en_ ane gheweest heb daer dit ghesciede alst hier in bescreven staet ghegheuen jnt iaer ons h_en duzent dre + hondert zeven en_ tneghentich Des woensdaghes na zinte johans @ dach de~Collatio