Corpus Van Reenen-Mulder (CRM14): Oorkonde E198p30101

Wi dirric gherards sone Ende tyseman colijns sone Scepene jn delf Orcunde_ dat wi dat horde_ ende zaghen dat ver fie gherards wijf was van gheenhusen / ende pieternelle hor docht_ met horen ghecorene mombaren ende gherard gherards sone van gheenhusen quamen vor gherechte vp diederics lane van hodenpijl ende gauen ene vrie ghifte hare_ ianne den proest van coninxvelde van ene_ stucke landes dat gheleghen is in hodenpijlre ambochte tuiske_ den breede_ campe en_ heinrics waghenars lande . dat die rechter ende die scepene kende_ dat een volboden land was ende sonder comm_ . Ende dar of heuet dese vorseide gherard ghelouet haren ianne vorghenoemt waringe iaer ende dach . jnt iaer ons h_en dertien hondert Ende ene / des sonnendaghes na sente mattheus daghe - -