Corpus Van Reenen-Mulder (CRM14): Oorkonde E198p30401

Wi Scepene / Ende . . Raetsmanne van delf maken cont Ende kennelike allen luden / Dat vor ons quam har jan die proest van coninxvelt / ende ontfenc die mombarscip van lisebetten die ioncste dochter was bertelmees gillemans zones / ende vrouwen badeloghen sijns wijfs / van niclaize van ruuene / dien clais gillemans zone / die mombarscippe gaf ende beval met sinen openen brieue / alze hi vor ons heft v_lijt / die dese vorseide har jan die proest / ter nonnen in coninxvelt ontfaen heft / omme gode / ende omme lieue van den vreenden / diere om_e baden / alze h_en dirrics bokels riddere / niclais gillemans zones / niclais van ruuene / Ende anders goeder lude / met allen goede / dat sij hadde van vader ende van moeder / so waer / ende an wilken goede dat gheleghen is / est in holland of / in zeeland / ende met allen eygheliken goede / ende met allen gherechte / dat hore besteruen mach of zij ter werelt ware / zonder van hen goede / . Ende dese vorseide / Niclais gillemans zone / ende niclais van ruuene hebben ghelouet met goeder trouWen so waer zijs macht hebben desen vorseiden h_en janne Ende zijn goedshuis te helpen ende te vord_en / van desen vorseiden goede ende van allen goede roerlik / en_ onroerlic dat den goedshuze van coni_xvelt van deser vorseider lisabetthen / op mach comen of besteruen . . jn kennesse van desen dingen So hebben . . Wi Scepene Ende Raetsmanne vorghenoemt desen brief bezeghelt met onz_ porten zeghele van delf / jnt iaer ons h_en Dertien hond_t Ende viere des zat_sdaghes na zente valentijns daghe