Corpus Van Reenen-Mulder (CRM14): Oorkonde E198p30501

Wi Ghisebrecht maye Ende dirric ondegod . Scepene in delf orcunden Dat jacob vincout heft ghelouet vor ons h_en janne den proest van coni_xvelt ene vrie ghifte te gheuen in dinxdaghe die naest comet van achtiende + half hont lands leggende onder alebrechts huis van ockenberge an die zuitzide / en_ heft him die ghelouet te ware_ iaer ende dach alze recht is / ende hi sculdich is te doene / war dat hi him die ghichte niene gaue / noch en warede alze vorsreuen is / so zoude jacob vorghenoemt en_ dirric sijn zone met zamender hant gheuen tsestich pond ene_ coni_x pe_ninc vor neghen penni_ge of zine w_de / jnt iaer ons h_en Dertien hond_t Ende viue / des maendaghes . na jvdica . Tenden iare niet te houden -