Corpus Van Reenen-Mulder (CRM14): Oorkonde E198p31001

Wi willaem van coudenhoue / En_ willaem van der borch Scepene in delf orcunden . Dat gherard dier heft ghelouet vore ons den proest van coninxvelt / tote zijns goedshuis behoef ene vrie ghifte te doen gheuen van eenre morghen lands leggende in rijswiker ban in den lande / dat coxijns land es ghehieten / die phillips clais zoens stiepkind_es / met alle den rechte alze recht is in den ambochte dart es gheleghen / en_ heft him die ghifte alze vorscreue_ es v_wilcoert te gheuen tuisken nu en_ vorscot_ market die naest comet / waer dat hijs niet en dede / zo zoude hi onder~houden tote tsproests behoef / twintich pond hollants_ pe_nin_ge van dien ghelde dat hi van borchshaluen alse van tsp_soenres weghe_ van rijswijc phillips clais zone van den lantcope heft ghelouet / en_ dar bi zellen die vorseider phillips clais zoens stiepkind_e bliuen an der vorseide morghen lants / en_ vort~ane / heft dese gherard dier ghelouet / den proest van coninxvelt / die drie morghen lants die phillips clais zoens waren / leggende in rijswiker ban / in den lande dat coxijns land es ghehieten / te waren / als + men een volboden eyghen sculdich es te waren / Ende dar of heft phillips clais zone ghelouet desen vorseiden gherard scadeloes te houdene / jnt iaer ons h_e dertien hond_t En_ tiene des vridaghes vore zente jans misse te middenzom_e / / /