Corpus Van Reenen-Mulder (CRM14): Oorkonde E198p31002

Wi willaem van coudenhoue Ende ghisebrecht maye . . Scepene in delf orcunden . Dat wi dar ouer waren ter wat_ingen in harmans huize van den woude / dar he_ jan die proost van coninxvelt vraghede harmans wiue van den woude of zi yet te + spreken hadde an dat lant / dat hi dar te voren cochte ieghens harmanne / van morghenghifte / of van anders enigher zake . Dar zij andworde in der ieghenwordicheid velre goeder lude / dat zijre niet of en wiste noch nie omme en pensde / jn orcundscep van desen dingen / zo hebben wi vorseide . . Scepene desen brief beseghelt met onzen zeghelen / jnt iaer ons h_en . Dertien hond_t Ende tiene / des vridaghes na zente jans misse te midden~zomere / / /