Corpus Van Reenen-Mulder (CRM14): Oorkonde E198p31003

Wi willaem van der borch Ende ghisebrecht maye Scepene in delf orcunden . Dat wi dar ou_ waren / dar arnout van den vene vort quam in den vrien ban vore volle gherechte ende gaf op robbrecht gherards zone met tsgrauen openen brieuen / twintich morghen lands leggende op r?ene an den oestende in van den weghe / te zinen vrien eyghen / ende joncv_uwe hildegond quam vort en_ scanc quite hore lijftocht / die zi hadde an den vorseiden lande / ende v_liede dat hore ghenoech ghedaen es met anderen lande / jn orcunde van desen dingen / zo hebbe wi vorseide Scepene desen brief bezeghelt met onzen zeghelen / jnt iaer ons h_en Dertien hond_t En_ tiene / des zondaghes na zente gillis daghe / / /