Corpus Van Reenen-Mulder (CRM14): Oorkonde E198p31004

Wi Scepene ende raetsmanne van delf orcunden . Dat he_ jan die proest van coninxvelt heft ghecocht ende ontfaen tote tsclosters behoef van coninxvelt vore volgherechte in den vrien ban van vern lisabetthen vern hadewien dochter / jsebrande v_n lisabetthen zone / jan den witten zinen broeder . Ende van euer otsiers zone horen swagher elf morghen ende vier hont lants / leggende in v_n hadewien hoeue dat west~ende streckende An den kercsloet . ende dat oestende An delfgawegher wechsloet / Ane te leggene die roede op den nortwal van desen lande / ende den nortsloet niet te + metene / te rechter mate / dar he_ jan vorseit van den vorseiden lande den eersten penni_c met den lesten of heft vergouden / en ware / of des vorseits lants meer ware dan vorscreuen es dat zoude him he_ jan die proest ghelden wats meer ware alst beliepe in cope die morghen omme twaelf pond enen coninx penni_c vore neghen penninge / Ende waers min dan vorscreuen es / dat heft costijn ver + lisabetthen zone ghelouet den vorseiden h_en janne ende zinen closter te wed_en alst beliepe in den voseiden cope . Vort heft dese vorseide costijn ghelouet den vorseiden h_en janne tote zijns closters behoef dit vorseide lant te warene iaer ende dach vore allen nacope / vte~ghesproke_ willaem alebrechts zone die zinen nacoep quite heft ghescouden / ware dat hijs niene dede / ende him dit lant van nacope worde ondinget / hi zoude him gheuen zijn hoeftghelt weder van desen lande / alst belopet in cope die morghen omme twaelf pond / enen coninx penninc vore neghe_ penni_ge / ende dar toe vijftich pond / Ende vort zel him costijn vorseid binnen iare ende daghe vrien dit vorseide land van vierd + half scellinge ghelts ende van allen onghelde datter op es nu ter wile / Ende ver lisabeth / jsebrant / jan / ende eu_ vorghenoemt hebben met zamender hant ghelouet desen costijn scadeloes te houdene / jn orcunde de_ lettere bezeghelt met onzer porten zeghele jnt iaer ons heren . Dertien hond_t Ende tiene / des dinxdaghes na iaersdaghe / / /