Corpus Van Reenen-Mulder (CRM14): Oorkonde E198p31301

Wi jacob v_n bauen zone En_ jan v_n hazekine zone . Scepene in delf orcunden . Dat alewijn v_n lisabetthen zone / bertelmees hughes roden zone / mattijs dirrics zone / alebrecht vter boeverie / en_ jan bogge / hebben nonne ghemaect . machteld iseb_nts dochter in tcloster te coninxvelt met al dien goede dat hore op~bestoruen was van iseb_nde horen vader / dat is te v_stane / met / / drien ponden en_ zeue_ scellinghen ghelds iaerlix_ renten / die zij den closter van coni_xvelt aldus bewisen / op v_nken zate van der mere / twe pond ghelds / te vorscot_ m_ket en_ te valkenborgher m_ket in + te + nemene / op cloet copp_ds zoens huis en_ land / tien scellinge ghelds te vorscot_ market in + te + nemene / en_ zeuentien scellinge ghelds op mattizekijns zate en_ zijre kinder in te + nemene / tien . scell_ / in vorscot_ market / en_ zeuen scell_ te middewinter / ende met twintich ponden en_ vijftien scellinge_ holl_ / ghereeder penni_ge / dar dese brief ghiene mani_ge of en houd / En_ met al dien goede dat him op~bestoruen mach gheliken of dese machtelt ter w_elt ware ghebleue_ Jn orcunde van dese dingen zo hebbe_ wi vorseide scepene desen brief bezeghelt met onzen zeghele_ / jnt iaer ons h_en . Dertien hond_t En_ dertiene des maendaghes na (onleesbaar) mei / / /