Corpus Van Reenen-Mulder (CRM14): Oorkonde E198p31501

Wi jan van hodengoil Raetsmanne / En_ jacob butsiel Ende jan v_u hasekine zone / Scepene in delf Orcunden . / Dat nelle jacobs vincouts wijf was / heft ghegheuen vore ons he_n jan den proest en_ den goodshuse van coninxvelt een pond ghelds leggende . tien scellinge ghelds / op hanne pawen halue huis en_ erve staende naest dammaes nanniekijns bollen zoens huse / en_ tien scellinge ghelds / leggende op duuen isebuts huis dat ieghens tkerchof staet / ende van desen ponde ghelds zo heft nelle vorseid / Den vorseiden he_n jan den proost ghelouet eene vrie ghifte te gheuene tote zijns goodshuis behoef zo wanneer hijs beghe_t Jn orcunde dere letter bezeghelt met onze_ zeghelen Jnt iaer ons he_n . + M˚ . + CCC˚ . + en_ vijftiene des vridaghes na zente marcus daghe