Corpus Van Reenen-Mulder (CRM14): Oorkonde E198p32301

Wi Arnout bi der ghehengnesse goods proost van coninxvelt maken cont ende kennelike_ allen luden . Dat Arnout neuekijn quam vore ons ende droech ons op zeuen morghen lands die hi van ons in erf plach te houdene / omme zeuentien scellinge ende zesse penni_ge / ende omme zeuen hoenre iaerlix / Ende dese vorseide zeuen morghen hebben wi ghegheuen jan otsiers zoen / tote erf~pachte jn allen rechte alse dese Arnt neuekijn van ons ende van onzen goodshuze plach te houdene / ende in zulker vorwarden en_ verbinde / zo wanneer dese vorseide zeuen morghen lands verwandelen bi cope / bi huwelike jof bi besterfte / zo zel + men + ze winnen binnen viertien daghen ieghens ons / elc pond omme achte penni_ge holl_ na pachtinge der sworne van delfland / jn orkunde dere lettere bezeghelt met onzen zeghele jnt iaer ons h_en . Dertien hond_t / + drie ende twintich . des dinxdaghes na iaersdaghe /