Corpus Van Reenen-Mulder (CRM14): Oorkonde E198p34401

WJ clais van oudenborch ende ian pouwels zoen scepen in + delf orconden dat gherijd naghel is gepacht ende heft ontfaen voer ons in volre pandinghe ien pond ghels iaerlixer renten staende op willaem edelinx hws en_ erue dat gheleghen is alre~naest clais van + den houe / sijn hws en_ erue op die zwtside / dese reinten in te nemen alle iaer toet voerscoter marck ende niet voer op te staen dan sestien scellinghe iaers als men ons zeit Jnt iaer ons h_en dusent / + drie + hondert vier ende viertich des vridaghes na sente bauen dach