Corpus Van Reenen-Mulder (CRM14): Oorkonde E198p34801

Wi dieric tierekijn en_ jacob robbrechts sone / Scepene in delf / orkunden dat gherrijd naghel heeft ghecoft jeghens damaes bolle en_ ontfaen vor ons in vollen gherechte / tien scellinghe holl_ts jaerlixer renten / op een hws en_ erue dat willem edelinx was / en_ gheleghen is alre~naest Clais van den houe huis en_ erue an die swdside / jn te nemene Alle jare in voerscoter market / en_ damaes vorseid beloeft gherrijd naghel dese renten te waren alse recht is / niet voren op te staen dan dertich scelli_ghe holl_ts tsiaers Als + men ons seid / . Int jaer ons h_en dusent drie + hondert Achte en_ viertich des dinxdaghes na Sinte nyclais daghe / . .