Corpus Van Reenen-Mulder (CRM14): Oorkonde E198p35201

Wi dieric hubrechts sone en_ Jan pouwels sone Scepene Jn delf orkunden . Dat Eueraerd hughen sone heeft ghecoft ieghens Jan broeder doeden sone en_ ontfaen vor ons in vollen gherechte tots Cloist_s behoef van Coninxvelde / een pond holl_s jaerlixer renten Op twee huizen en_ erue die gheleghen sijn Op Doudelf alre~naest batte hobben huis en_ erue an die noordside . Jn te nem_ alle jare tien scelli_ge te meye op dat noorder huis en_ erue / niet daer voren op te staen dan een pond jaers als men ons seid . en_ die ander tien Scelli_ge in te nemen alle jare te heylige misse op dat suder huis niet dar voren op te staen dan seuen tien scelli_ge en_ drie peni_ge jaers als men ons seid . en_ jan broed_ vorseid beloeft den Cloist_ vorghenoemd dese renten te waren alse recht is . an sulken paymente dese renten te betalen jaerlix als men broid en_ wijn mede Copet Jnt Jaer ons he_n dusent drie + hondert twee en_ vijftich des dinxdaghes na Sinte pontiaens daghe .