Corpus Van Reenen-Mulder (CRM14): Oorkonde E198p35301

Wi Jan eueraerds zoen en_ Pyeter cille Scepene in delf Orcunden dat he_ jan van woudriche_ Proest van Coninxueld . Heeft op~ghedraghen voer Ons in vollen gherechte en_ verhwrd tot Erfhure van scloesters weghen van Coninxuelde Jan coud~-smit Ander + halue Roede Erues dat gheleghen is Jnt noerdende . tuschen hughe slabbaerts huis en_ erue . en_ des proests steghe . Elke Roede om ses ende dertich scellinghe holl_s siaers . An paymente daer men broed en_ wiin mede copet . Ende dit erue strecket van Jan coudsmits voerdreppel westwaerd ghemeten . viertien Roeden lanc . Te betalen alle jaer die ene helfte jn Meyen~daghe . En_ die Ander helfte te Alreheyligher misse / Jnt Jaer ons Heren Dusend . + Drie + honderd . + Drie ende viiftich op sinte Agnieten Auond