Corpus Van Reenen-Mulder (CRM14): Oorkonde E198p35302

Wi Pieter Sille Ende Jan Eueraerds zoon Scepene Jn delf Orcunden dat he_e jan van wouderichem proosst van Coninxvelde Heeft op~ghedraghen voor ons jn vollen gherechte ende verhwrd tot Erfhure van Scloosters weghen van Coninxvelde / Jan van den wedde Ander Halue Roede ende Een derdendeel voete Erues / dat gheleghen is int noordende alre~naest Matthijs dolslaghes huis ende Erue op die noordzide Elke Roede om drie + ende dertich Scellinghe holl_s siaers an paymente daer + men brood ende wijn mede copet / Ende dit Erue strecket van jans voordreppel westwaerd ghemeten viertien Roeden lang / Te betalen alle jare die Ene helfte En Meyen~daghe Ende die Ander helfte te alreheyligher misse Jnt jaer ons h_en dusend drie + Hondert drie ende vijftich op Sinte Agneten Auonde .