Corpus Van Reenen-Mulder (CRM14): Oorkonde E198p35303

Wi jan Eueraerds zoon Ende Pieter Sille Scepene jn delf Orcunden dat he_ jan van wouderichem Proosst van Coninxvelde Heeft op~ghdraghen voor ons jn vollen ghe~Rechte en_ verhwrd tot Erfhure van Scloost_s weghen van Coninxvelde Mathijs den olislagher / Twee Roeden Tien voeten en_ Een derdendeel voete Erves / dat gheleghen is int Noordende alre~naest baertoud Pouwels zoons huis ende Erve op die noordzide / Elke Roede om drie ende dertich Scellinghe holl_s siaers an paymente daer + me_ brood en_ wijn mede copet Ende dit Erve strecket van Mathijs voordreppel westwaerd ghemeten viertien Roeden lang / Te betalen jars die Ene helfte En Meyen~daghe ende die ander helfte te alreheyligher misse / Jnt jaer ons He_n dusend drie + Honderd drie ende vijftich op Sinte agnieten Auonde