Corpus Van Reenen-Mulder (CRM14): Oorkonde E198p35304

Wi Jan eueraerd zoen en_ Pieter sille Scepene in Delf . Orcunden dat He_ jan van wouderichem Proest van Coninxuelt Heeft op~ghedraghen voer ons in vollen gherechte . en_ verhwrt toet Erfhure van scloesters weghen van Coninxuelde ; Enghel dierix zoen twintich voete Erues . dat gheleghen is ; Jnt noerdende alre~naest jan aernds zoens huis ende erue op die noerdzide . Elke roede om drie en_ dertich scellinghe holl_s siaers . an paymente daer men broed ende wiin mede copet Ende dit erue strecket van enghels voerdreppel westwaerd ghemeten viertien Roeden lanc . Te betalen alle Jaer die ene helfte en Meyen~daghe . en_ die ander helfte alreheyligher misse Jnt Jaer ons heren dusend . + Drie + hondert . + drie ende viiftich . op sinte agnieten Auond