Corpus Van Reenen-Mulder (CRM14): Oorkonde E198p35305

Wi pieter Cille en_ Jan eueraerds zone Scepene in delf Orconden dat he_ jan va_ woudrichem Proest van Coninxcvelt / heeft op~ghedragen voer ons in vollen gherechte en_ verhwrt toet erfhure van scloesters weghen van Coninxvelde wouter gilliis zone drie Roeden erues / die ghelegen sijn jnt nortende alre~naest des proefs steghe op die nortzide . elke roede om seuen ende dertich scellinghe holl_s siaers / an pay˚mente daer men broed en_ wijn mede copet Ende dit erue strecket van wouters voerdreppel westwaert ghemeten viertien roeden lanc Te betalen alle jaer die ene helfte en Meyen~daghe . en_ die ander helfte te alreheiligh_ misse Jnt jaer ons heren dusend . + drie + honderd drie ende viiftich op sinte agneten auond .