Corpus Van Reenen-Mulder (CRM14): Oorkonde E198p35306

WJ Pyeter cille en_ Jan eueraerds zoen . Scepen in Delf Orcunden dat He_ jan van wouderichem Proest van Coninxuelt . Heeft op~ghedraghen voer Ons in vollen gherechte . En_ verhwrd tot Erfhure van scloesters weghen van Coninxuelde Jan aernds zoen Elf voete en_ twedeel voete Erues Dat gheleghe_ is Jnt noerdende alre~naest Jans huis en_ erue van den wedde op die noerdzide . Elke Roede om drie en_ dertich scellinghe holl_s siaers an paymente daer men broed en_ wiin mede copet . Ende dat Erue strecket van Jan aernd zoens voerdreppel westwaerd ghemeten viertien Roeden lanc . Te betalen alle jaer die Ene helfte jn Meyen~daghe . En_ die ander helfte te alre~heyligher misse . Jnt Jaer ons heren Dusend Drie + honderd drie en_ vijftich op sinte agnieten auond - -