Corpus Van Reenen-Mulder (CRM14): Oorkonde E198p35801

Wi Jacob gheriits zoen . en_ Jan eueraerds zoen . Scepene in Delf . Orcu_den dat Haer jan van Woudrichem . Proefst van Coninxuelt heeft op~ghedraghen . voer Ons in vollen gherechte . en_ verhuurt tot Eerfhure . van Scloest_s weghen van Coninxuelde . Aernd de_ ouden . Twintich voet Erues . Dat gheleghen is int Noerd~ende . Op die west~zide van der delf . Alre~naest . Yisbrant coppen zoens huis en_ Erue . op die Noerd~zide . Elke Roede . om viue en_ twintich scellin_ holl_s siaers . en_ ses penninghe . An Paeyme_te daer me_ wiin en_ broed mede coept . En_ dit Erue strecket van Aernds ouden voerdreppel westwaert ghemete_ viertien Roeden lanc . Te betalen alle jaer . Die Ene helfte . te Meye . En_ die Ander helfte . tot Alreheyligher Misse . Of pande tot Elken daghe . den derden penning beter . binne_ viertienachten verstaen Jnt jaer Ons h_en . Dusent . + Drie + hondert . + Acht en_ Viiftich . Des Woensdaghes Na Sinte Lambrechts dach . - - -