Corpus Van Reenen-Mulder (CRM14): Oorkonde E198p35802

Wi Jan eueraerds zoen . en_ Jacob gheriits zoen . Scepene in delf . Orcu_den dat haer Jan van Woudrichem . Proefst van Coninxuelt . heeft Op~ghedraghen voer Ons in Vollen gherechte . en_ verhwrt . tot Eerfhure . van Scloest_s weghen van Coninxuelde . Yisbrand coppen zoen . Twie en_ Twintichst + alf . voet Erues . Dat gheleghen is int Noerd~ende . Op die West~side van der delf . Alre~naest . Aernds Ouden huis en_ Erue . Op die zwtside . Elke roede om ses en_ Twintich scellinghe holl_s siaers . An Paeyme_te daer me_ Wiin en_ broed mede copet . Ende dit Erue strecket van Yisbrand coppen zoens voerdreppel . Westwaert ghemete_ viertien Roeden lanc . Te betalen alle jaer . Die ene helfte . te Meye . en_ die Ander helfte tot Alreheyligher Misse . Of Pande tot elken daghe den derden penning bet_ . binne_ viertienachten verstaen . Jnt jaer Ons h_en . Dusent . + Drie + hondert . + Acht en_ Viiftich . Des Woensdaghes . Na Sinte Lambrechts Dach . - -