Corpus Van Reenen-Mulder (CRM14): Oorkonde E198p35803

Wi Jan eueraerds zoen . en_ Jacob gheriits zoen Scepene in Delf . Orcu_den dat h_e jan van Woudriche_ Proefst van Coninxvuelt . heeft op~ghedraghen voer Ons in Vollen gherechte . en_ verhwrd tot Eerfhure van Scloesters weghen van Coninxuelde . Wouter doeden zoen . sestien voet Erues . Die gheleghen siin int Noerd~ende . Op die west~side van der delf . Alre~naest Jans Erue van der ghoude . op die Noerd~side . dat hi van den Proefst in huerware_ heeft . Elke Roede om . dertich scellinghe holl_s siaers . An Paeymente daer + me_ Wiin ende broed mede copet . Ende dit Erue strecket van Wouter doeden zoens voerdreppel . Westwaert ghemete_ . viertien Roeden lanc Te betalen Alle iaer . die ene helfte . te Meye . en_ die Ander helfte tot Alreheyligher misse . Of Pande tot Elken daghe den derden Penning beter binne_ viertienachten verstaen . Jnt jaer Ons here_ . Dusent . + Drie + honderd . + Acht en_ Viiftich . des Woensdaghes Na Sinte Lambrechts Dach . - -