Corpus Van Reenen-Mulder (CRM14): Oorkonde E198p35804

Wi Jan eueraerds zoen . en_ Jacob gheriits zoen Scepene jn Delf Orcu_den dat he_e jan van woudrichem Proefst van Coninxuelt . heeft op~ghedraghen voer Ons in vollen gherechte . en_ verhuurt . tot Eerfhure . van + sCloesters weghen van Coninxuelde . Aernd den Ouden . Dord + alue roede Erues . dat gheleghen is int Noerd~ende . Op die west~side van der Delf . Alre~naest . Aan ymme_ + zoens huus en_ Erue . Op die zuudside . Elke Roede om . viue . + en_ twintich . scellinghe . holl_s siaers . an Paeyme_te daer + me_ broed ende wiin mede coept . Ende dit Erue strecket van Aernds ouden voerdreppel westwaert ghemete_ viertien Roeden lanc . te betalen alle Jaer die Ene helfte te Meye . en_ die And_ helfte te Alreheyligher misse . Of pande tot Elken daghe den derden penning beter . binne_ viertienachten verstaen . Jnt Jaer Ons h_en . Dusent . + Drie + hondert Acht en_ viiftich . Des Woensdaghes Na Sinte Lambrechts Dach .