Corpus Van Reenen-Mulder (CRM14): Oorkonde E198p35805

Wi Jacob gheriits zoen . ende Jan eueraerts zoen Scepene in Delf Orcu_den dat he_e Jan va_ woudrichem . Proefst van Coninxuelt . heeft op~ghedraghen voer Ons in vollen gherechte . en_ verhuurt . tot Eerfhure van Scloesters weghen van Coninxuelde . Jan ymme_ zoen . Twie roeden en_ vier voet Erues . Dat gheleghen is int Noerdende Op die west~side van der delf . Alre~naest der Vesten Op die zuutside . en_ Aernts ouden huis en_ Erue . Op die Noerdzide . Elke Roede om viue en_ twintich scelli_ holl_s siaers . An paeyme_te daer me_ broed ende wiin mede coept . Ende dat Erue strecket van Jan ymme_ zoens voerdreppel westwaert ghemete_ viertien Roeden lanc . Te betalen alle jaer Die Ene helfte . te Meye . en_ die ander Helfte te Alre~Heyligher misse . Of Pande tot Elken daghe den derden penni_g beter binnen viertienachten verstaen . Jnt jaer Ons h_en Dusent Drie + hondert Acht en_ viiftich Des Woensdaghes Na Sinte lambrechts Dach .