Corpus Van Reenen-Mulder (CRM14): Oorkonde E198p36003

Wj Jan vos soen ende Jan butsiel Maken cond allen luden / Dat wi daer ouer en_ an gheweest hebben Daer h_en dammaes huynoud priest_ Daer god die ziele of hebbe_ moet en_ aliid jan huynouds soens wedewi daer god die ziele of hebbe_ moet maecten en_ besprake_ den conuent van coninxuelde in rechten testament en_ in recht_ aelmossen jaerlix haer tidinghe mede te houde_ / Dertich scellinghe hollantsghe tsiaers / Die si hem bewiisde_ een ponds jaers op rike haymans lant / en_ Tien scell_ tsiaers op gelijs pouwels soens huys en_ erue dat staet an die volrestrate an die oostzide alre~naest Euerkijns huys en_ erue / Ende van dese vorghenoemde Dertich scell_ tsiaers so sel joncvrou lisebet van zerichzee hebbe_ . vijf . scell_ tsiaers tot hare_ liue / en_ na horre doot an den conuend te bliuen / En_ wi jan en_ jan vorseit scelden quite van onser kinder weghe_ die recht erfname_ sijn van h_en dammaes en_ van alide_ vorghenoemt al sultanighe rente_ als hier vorscreue_ staen Jn + kennesse der waerheit so hebbe_ wi desen brief beseghelt met onsen zeghelen / Jnt jaer ons h_en Dusent drie hondert en_ tsestich Op sinte gelijs auond