Corpus Van Reenen-Mulder (CRM14): Oorkonde E198p36004

Wi dirc h_en Jacobs soen Ende pieter Jan oems soen Scepene Jn delf Orcunden dat h_en Jan van woudrichem proest van coninxuelde is ghepacht van verscenen renten tot des cloesters behoef van coninxuelde ende heeft ontfaen voir ons in volre pandinghe vijftien scellinghe ende achte penninghe holl_s tsiaers op ander halue roede ende een derdendeel voet erues dat gheleghen is in tnoortende alre~naest mathijs olislaghers huus ende erue an de noortzide ende Jans van den wedde plach te wesen Jn te nemen alle Jare te alreheylighen misse Ende dese renten zullen wesen euen~gheliken sinen ande_n renten die hi op dit voerseyde erue heeft daer him dese renten of ghepacht sijn Jnt jaer ons h_en dusent drie + hond_t ende tsestich op sinte louwerijs auond .