Corpus Van Reenen-Mulder (CRM14): Oorkonde E198p36201

Wi Jacob Willems houters soen Ende Clays Willems soen Scepene Jn delf Orcunden dat Jacob Pieters costers soen heeft ghecoft Jeghens coppaerd gheyen en_ voir ons ontfaen in vollen gherechte viertich scelling_ holl_s tsiaers payments daer men broot en_ wijn mede coopt die hi hadde op russenden Jans wedewi van bieruliets huus en_ erue dat gheleghen is an die houtm_ct alre~naest louwerijs baerten soens huus en_ erue an die zuutzide streckende van der eenre delf ter ander Jn te neme_ alle Jare half te meye en_ half te alreheylighen misse Ende louwe foyen soen heeft ghelooft Jacob dese renten te waren als recht is niet daer voir op te staen dan een pond holl_s tsiaers als me_ ons seyt Jnt Jaer ons h_en duse_t drie + hond_t twie + en_ + tsestich des dinxdaghes na sinte pontyaens dach