Corpus Van Reenen-Mulder (CRM14): Oorkonde E198p36501

Wi Sceel vranke en_ willem pijn Scepene Jn delf Orcunden dat Jacob griete en_ dirc clays dirx soens kinder hebben op~ghedragen voir ons in vollen gherechte gheertruud clays manghelairs docht_ een huus en_ erue tien roede voete breed oestwairt van haren huse en_ erue dair si nu Jn woend dat gheleghen is an den langhendijc alre~naest dirc vos huus en_ erue an die westzide Ende op dese voirseyde tien voete huus en_ erues behouden Jacob griete en_ dirc voirs_ viertich scelling_ holl_s tsiairs payments dair men broot en_ wijn mede coopt Jn te neme_ alle Jair half te alreheylighen misse en_ half te meye en_ niet dair voir op te staen als men ons seyt Jnt Jair ons h_en dusent drie + hond_t vijf + en_ tsestich . tsdinxdaghes op sinte georgius auond .