Corpus Van Reenen-Mulder (CRM14): Oorkonde E198p36502

Wi willem pijn en_ Sceel vranke Scepene Jn delf Orcunden dat dirc boekel aernds soen heeft op~ghedraghen voir ons in vollen gherechte gheertruud clays manghelairs dochter een huus en_ erue tien roede voete breed oostwairt van haren huse en_ erue dair si nu Jn woend dat gheleghen is an den langhendijc alre~naest dirc vos huus en_ erue an die westzide Ende op dese voirseyde tien voete huus en_ erues behoud dirc boekel voirs_ viertich scelling_ holl_s tsiairs payments dair men broot en_ wijn mede coopt Jn te nemen alle Jair half te alreheylighen misse en_ half te meye en_ niet dair voir op te staen als me_ ons seyt Jnt Jair ons h_en dusent drie + hond_t vijf + en_ + tsestich tsdinxdaghes op sinte georgius auond .