Corpus Van Reenen-Mulder (CRM14): Oorkonde E198p37302

Jc willaem naghel doe cond allen luden dat dese twaelf scellinghe Jaers die in desen doirsteken brief staen + , toe~behoren Joncfrou katrijn van beueren die nonne wout_s dochter van beu_en en_ dese twaelf scellinghe holl_s siaers voirscr_ sel joncfrou katrijn voirs_ behouden also langhe als + se leuet en_ na hoirre doot so sel dese voirscr_ renten co~men et couent tot coninxvelt tot ewighe memorye mede te houden alle jare Joncfrou hildegond dirx wijf van groenevelt was want + se Joncfrou hildegont selue also besproken heeft in rechter aelmossen . Jn kennesse der waerheyt so heb ic desen brief bezeghelt mit mine_ zeghel en_ om die meerre sekerhede so heb ic ghebeden h_ niclais hodenpijl dat hi desen brief mede bezeghelen wil en_ ic h_ niclais voirs_ om~dat ict in der waerheyt verstaen hebbe dat dit besprac voirscr_ ghesciet is aldus so heb ic desen brief om bede willaem naghels mede bezeghelt met mine_ zeghel Jnt Jaer ons h_en dusent drie hondert drie en_ tseuentich des donredaghes na onser vrouwen dach te licht~misse