Corpus Van Reenen-Mulder (CRM14): Oorkonde E198p37901

Wj euer + ocker jans soen en_ cleyman jacobs soen Scepene jn delf Orcunden dat ane spirinx wedewi heeft ghecoft jeghens jacoppiin piet_ jan oems soens soen en_ dirc pieter jan oems soens soen sine_ broeder en_ voir ons ontfaen jn vollen gherechte twee hont poirtlands luttel min of luttel meer en_ gheleghen is an die zuutzide van den watersloet ghemengder aerde en_ ghemeenre voere mit anen voirs_ En_ jacoppiin en_ dirc voirs_ hebben ghelooft mit samender hant anen voirscr_ dese twee hont lants luttel min of meer te waren als recht is niet dair op te staen dan tsgrauen huyr als men ons seyt jnt jair ons h_en dusent drie + hondert neghen en_ tseuentich Tsdinxdaghes na sinte bauen daghe