Corpus Van Reenen-Mulder (CRM14): Oorkonde E198p38202

IC dirc pieter Jan oems soens sone . Doe cond allen luden . Dat ic vercoft hebbe bairtoud naghel vierd + alf pond siaers die ic behuwede mit pieternellen minen wiue / en_ staen op robbrecht margrieten zoens zate . gheleghen in + den vryen + ban Jn te nemen alle Jare half te voerscoter marct en_ half te valkenburgher marct . En_ hier of ghelye ic mi wel betaelt den lesten penni_c mitten eersten En_ waer dat hem hier yet an ghebrake dat gheloue ic hem op te rechten Omdat dit waer is / en_ ic selue ghenen seghel en hebbe So heb ic ghebeden pieter Jan oems soen minen vader dat hi dit voir mi beseghelen wil En_ ic pieter voirs_ om bede dirc mijns zoens vornoemt heb ic desen brief beseghelt mit mine_ Seghel Jnt Jaer ons h_en . Dusent . + Drie + hondert twie en_ tachtich Tsmanendaghes na mey~daghe