Corpus Van Reenen-Mulder (CRM14): Oorkonde E198p38801

Wi bertelmaeus heynen soen en_ louwerijs jans soen Scep_ne Jn delf oircunden dat pieter cille heeft ghecoft jeghen kerstant pieters soen en_ ontfaen voir ons in vollen gherechte tien + scellinghe holl_s tsiaers payme_ts op zijn huis en_ erue dat gheleghen is neffens den nuwen langhendijck ouer an + die noirdzide van + der delf alrenaist jan hozen huus en_ erue an + die oostzide jn + te nemen alle jare te sinte jans misse te midzomer En_ kerstant voirs_ gheloift pieter voirscr_ dese voirzeyde renten te waren als recht is Niet voir op + te staen dan dertien scellinghe holl_s tsiaers payme_ts als men ons zeyt jnt jair ons h_en dusent drie + hondert acht + ende + tachtich Tsdinxdaghes na sinte pouwels dach conuersio Wi cleyman jacops soen en_ bertelmaeus heynen soen Scep_ne Jn delf oircunden dat / baernt jacops soen heeft ghecoft jeghen gherijd poelen soen en_ ontfaen voir ons in vollen gherechte een pond holl_ns tsiairs payme_ts op zijn camer en_ erue die gheheelt is an + die noirdside an sijn huus streckende vter delf an aelwijn wigghers soens huis en_ erue en_ gheleghen is int noirdende an + die westside van + der voir~delf alre~naist aernt dirx soens huus en_ erue an + die zuutside jn + te nemen alle jair te Meye En_ gherijd voirs_ gheloift baernt voirscr_ dese voirseyde renten te waren / als recht is Niet voir op te staen dan zeuen + ende + dertich . scellinghe holl_ns tsiairs payme_ts als men ons zeyt / jnt jair ons h_en dusend drie + hondert acht + ende + tachtich Tsdinxdaghes op sin? Mouricius dach