Corpus Van Reenen-Mulder (CRM14): Oorkonde E198p38901

Wy michiel wigghers soen en_ Jacop bertelmees soen Scep_ne Jn delf oircunden dat pieternelle dirc gherijds soens wedewi en_ vriese lysbet erkenraet / pieternelle en_ katrijn dirc gherijt soens kinder hebben vercoft en_ op~ghedraghen mit hoirs voechts hand en_ bi goedenken der Raedslude voir ons in vollen gherechte aerdt nyclays soen een pond holl_ns tsiairs payme_ts op hoir twie huus en_ eruen die gheleghen sien besiden malc~ander an jan foyen lane alre~naist jacop clays dirx soens huus en_ erue an die oostside jn + te nemen alle jare te Meye Ende pieternelle en_ vriese lysbet erkenraet pieternelle en_ katrijn voirs_ ghelouen mit zamender hand mit hoirs voechts hand en_ bi goedenken der Raedslude aernt nyclays soen voirscr_ dese renten te waren als recht is Niet voir op te staen op beyden husen en_ eruen voirscr_ dan twalef scellinghe holl_ns tsiairs payme_ts als men ons zeyt / Jnt jair ons h_en dusent drie + hondert neghen en_ tachtich Tsdinxdaghes na tsheylichs crws dach inventionis